Thursday, March 16, 2017

2ng turo na kanding hinabas, ipiglunad sa motorsiklo


TABACO CITY (BICOL STANDARD) – Hinahanap ngonian kan mga awtoridad an motorsiklo na may plate number EA 59778 na iyo an nabistong piglunadan kan duwang turo na kanding na hinabas sa Albay Research and Development Center kan Department of Agriculture digdi.

Sabi kan pulis, si Jefrey Capili y Buena, 31 anyos na para ataman kan kanding sa Albay Research and Development Center, dai siya nin informasyon kun sisay an pusuanon na parahabas.

Alagad, naheling ni Gerald Balanga asin Pedro Buenconsejo, pareyo residente kan nasambit na lugar an parahabas na nakalunad sa motorsiklo.

An dalagan kan vehiculo pasiring sa Ligao City.

Mientrastanto, kan verificaron sa opisina kan Land Transportation Office (LTO) kun sisay an kagsadire kan motorsilo na ginamit kan parahabas, nagluwas na ini nakarehistro sa pangaran ni Jenalyn Recaido na taga Brgy. San Rafael, Guinobatan, Albay.

Pinadarahan nang surat si Recaido kan pulis kan Tabaco City para hapoton kun sisay an naggamit kan vehiculo kan aldaw na ginamit ini sa paghabas.

En caso maaraman an pangaran kan suspechado, kakasohan siya nin pagbalga kan PD 533, o an inaapod na Anti-Cattle Rustling Law.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...