Friday, March 10, 2017

2 motorsiklo naaksidente, 1 an gadan sa Polangui


POLANGUI, Albay 3/9/17 (BICOLSTANDARD) – Saro na naman na driver nin motorsiklo an nagadan kasubanggui sa nangyaring aksidente sa National Highway sa Brgy. Ubaliw sa banwaan na ini.

Si Eddie Jacob na taga Brgy Alomon iyo an nagmamaneho kan Jialing motorcycle mientras na si Bonie Greg Manawis y Vergara, taga Brgy. Binanuaan, Legaspi City, iyo an driver kan Rusi motorcycle, na nagkabanggaan.

Sabi sa report kan pulis, si Jacob iyo suboot an nakabanga ki Manawis, na nagresulta tanganing pareyo sinda nagbaralintong asin nahulog sa gilid kan tinampo.

Mientrastanto, nagkaigwa nin tama sa payo si Jacob na iyo an naging causa kan saiyang kagadanan.

Nadara pa man kuta siya sa JBDMDH sa Ligao City, pero ipig declarar na mayo na siya nin buhay.

Sa ibong na lado si Manawis igwa man nin mga menor na rungas sa saiyang lawas.

Nag-iimbestigar pa an pulis sa aksidenteng ini na nangyari alas 10:00 kasubanggui.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...