Wednesday, March 29, 2017

2 holdupper sa Legaspi City, nadakop

LEGASPI CITY 3/29/17 (BICOL STANDARD) – Ikinonkon sa carcel kan pulis an duwang lalaki na pareyong suspechado sa serye nin panholdup sa ciudad na ini.



Nabisto an mga suspechado na iyo sinda Ruben Pepano y Diaz, 26, taga P6, Brgy. 7-Bano, Legaspi City asin si Bernard Benitag y Regondola, 37, residente kan Brgy. 16-East Washington Drive, Legaspi City.

Nadakop sinda pagkatapos na magsumbong sa pulis si John Paul Armagosa y Pamorada, taga Brgy. Paulba, Ligao City, na saro sa mga biktima kan mga holduppers kasuodmang aga sa Brgy. Bano digdi.

Huli sa hot pursuit operation kan pulis nadakop an mga suspechado asin nakua sa sainda an mga hinabonan na gamit hale sa victima.

Kabale sa na-recover sa mga suspechado iyo an sarong iPhone na kantidad P16,000.00 asin relo na an kantidad P5,000.00.

Mientrastanto, nangapodan an pulis na helingon an persona kan duwang suspechadong mga lalaki ta tibaad sinda iyo an mga dati nang imbuelto sa pangingikil asin pagholdup sa sainda.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...