Tuesday, March 7, 2017

2 grupo nin armadong lalaki, nagbaradilan sa Andaya highway


NAGA CITY 03/07/17 (BICOLSTANDARD) –Nagpapadagos pa an pagsiyasat kan mga awtoridad sa nangyaring encontrada nin duwang armadong grupo sa Sitio Nabuntungan, Brgy. Banga Caves, Ragay, Camarines Sur.

Sabi sa pulis report, mantang luway-luway na nagdadalagan an L-300 van na may lunad nin duwang tao, bigla sinda inabangan asin kinomprontar nin 2ng dai nabistong mga lalaki sa guilid kan tinampo. Ini an naguing dalan tanganing magkaigwa nin mainit na diskusyon.

Mantang nagkakainitan an duwang grupo, may uminabot pang 8ng van na may lunad nin dai mababa sa 25ng mga lalaki, na armado nin man laen-laen na clase nin badil.

Dai naghaloy, nagpoon na an ribayan nin putok hale sa mag-ibong na armadong grupo.

Por medyo kan apod nin civilian sa hepatura kan pulis, nagdispachar tulos nin mga awtoridad hale sa Ragay PNP asin Lupi PNP. Alagad, dai na inabotan an nag-iiriwal na mga armadong tawo.

An mga imbestigador nakakua nin 12ng baseyo nin bala hale sa sari-saring calibre nin badi.

Mayo pa nin maliwanag na informasyon dapit sa bagay na ini hastang sinusurat an bareta.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...