Sunday, February 26, 2017

Tupadahan sa Castilla, Sorsogon sinakyada kan pulis


CASTILLA, Sorsogon 02/26/17 (BICOLSTANDARD) –Sinakyada kan mga pulis an tupadahan sa Sitio Yubuko, Brgy. Burabod, sa banwaan ini na nagresulta sa pagkadakop kan mga parabulang.

Ginibo an operasyon kan mga awtoridad kasubagong alas 2:00 nin hapon, ngonian na aldaw.

An mga nadakop na nagtutupada iyo sinda Rolando So y Rivera, Richard Mantesa y Lobenario, na pareyo taga Brgy. Burabod, Angel Marmol y Pamplona, asin si Ariel Mallete y Alemania, taga Malabog, Pilar, Sorsogon.

An mga inarestar anas kakasohan nin pagbalga sa ley sa Illegal Gambling (PD 1602) asin Illegal Cockfighting (PD 449).

Pig comfiscar kan mga pulis si 3ng pambulang na manok, mga tambod asin taya sa sultada.

Liwat, nagpatanid an mga awtoridad na magpapadagos sinda sa pagdakop kan gabos na illegal na sugal, base sa kasugoan hale mismo sa Campo Crame.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...