Monday, February 6, 2017

Baradilan kan Army asin NPA nagbungkaras sa Sorsogon

CASIGURAN, Sorsogon 2/6/17 (BICOL STANDARD) -- Mainit an ralaban kan mga soldados asin mga rebeldeng miembros kan New People’s Army (NPA) sa banwaan na ini kasubagong aga na nagdurar nin 10 minutos.



Sabi sa despachong narecibe kan BICOL STANDARD, nagpoon na magparakpasak an bala hale sa may ibong na lado poco mas o menos alas 6:30 nin aga.

Sarong section kan Alpha Coy na pinapamayohan ni 2Lt Pendejito an nakasagupa kan mga rebelde, mantang nasa regular na pagpatrolya.

An ralaban kan mga rebelde asin soldados kan gobierno nagbungkaras liwat, orog nang binawi na kan gobierno asin kan CPP-NPA an pigimponir nindang “ceasefire.”

Sabi pa sa report, 15ng mga NPA an nakabadilan kan mga miembros kan army.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...