Saturday, February 11, 2017

P200 mil na kantidad nin shabu nadakop

NAGA CITY 2/11/17 (BICOL STANDARD) – Biyong nagkaluha si Aldren Lesniana y Laya alyas Marvin kan tukloon siya kan mga tawohan kan Philippine Drug Enforcement Agency (PDEA) kan Camarines Sur sa ginibong buy bust operation kasubagong alas 6:00 nin aga.

Photo via Pdea Camsur Facebook page

An suspechado biyong nagtarakig kan maasihan niya na mga awtoridad palan an saiyang napabakalan nin droga sa Brgy. San Vicente, Milaor, Camarines Sur.

Nangyari an pagdakop saiya sa Maharlika Highway.

Nakua sa poder ni Lesniana an pigtutubodan na shabu na may gabat na 54.5995 gramos.

Ini may total na valor na dae mababa sa P200,000.00, sa nagdadalagan na presyo ngonian kan droga.

An suspechado yaon ngonian sa poder kan PDEA mantang pighahanda an pagsangat saiya nin casong pagbalga kan Sec 5 kan R.A. 9165.
Share:

Featured Post

DepEd assures teachers of bonuses, allowance hike

Department of Education Undersecretary Finance-Budget and Performance Monitoring Annalyn Sevilla (left) assures teachers of their bonuses...