Monday, February 6, 2017

Obispo Gilbert Garcera, arsobispo na kan Lipa

Garcera
DAET, CNorte—Pignombrahan ni Pope Francis si Bishop Gilbert Garcera bilang bagong arsobispo kan Lipa sa Batangas, hale sa Diocesis nin Daet sa provinciang ini.Namundag si Garcera sa Magarao, Camarines Sur kan 1959.

Nagklase siya sa Naga Parochial School asin Holy Rosary Seminary.

Dati man siyang naging kura paroko kan San Francisco Church sa Ciudad nin Naga.

Kan 2007, nagin siyang obispo kan Daet.

Si Garcera igwang master's degree sa Theology hale sa Ateneo de Manila University asin doctorate sa Organizational Planning and Development hale sa SAIDI sa Antipolo City.

Kan Octubre 2015, pinili siya ni Pope Francis bilang saro sa anom na Pilipino na na nag-atender kan Synod of Bishops on the Family sa Vatican.

Sa presente, pinapamayohan niya an bishops' Commission on Family Life. Saro man siyang miembro kan CBCP Permanent Council.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...