For immediate hiring

For immediate hiring

Monday, February 20, 2017

Nagselos na lalaki, tinadtad bala an karibal



MANDAON, Masbate 02/20/17 (BICOLSTANDARD) –Tinadtad nin bala an lawas ni Jolito Roxas y Caaya, 41 anyos na residente kan Sitio Maagap, Brgy. Ayat sa banwaan na ini.

An suspechado iyo si Armando Dela Cruz y Oliva, 53 anyos, na nag-eestar sa kapareyong barangay.

Sabi sa report an incidente nangyari alas 7:00 nin aga kan Viernes (Febrero 17).

Naaraman kan mga imbestigador na an victima maparada kan saiyang pigmamaneho na motorsiklo tanganing magbakal nin bulong para sa ataman na mga hayop.

Alagad, sa dae maaraman na rason, dinulok siya ni Dela Cruz asin tulos tinadtad nin bala an saiyang lawas, na iyo an saiyang ikinagadan.

Pigprobaran pa kutang darahon sa Balud Municipal Hospital an victima, alagad nin huli sa mortal na mga tama sa saiyang lawas, binawian na siya nin buhay.

May nagluwas na bareta na an causa kan pagbadil sa victima iyo an pagselos sa saiya kan suspechado.

Sinangatan nang casong Murder an suspechado asin pagbalga kan R.A. 10591 (Illegal Possession of Firearms) sa Masbate Provincial Prosecutor’s Office, sa Masbate City.

Naisangat tulos an kaso pakatapos kan “inquest proceedings” na firmado ni Norberto F. Mesa, Assistant Provincial Prosecutor kan Febrero 18, 2017.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...