Saturday, February 18, 2017

Montehan sa Goa, sinakyada kan pulis


GOA, Camarines Sur 02/18/17 (BICOLSTANDARD) -- Maatubang nin casong pagbalga sa ley an 10ng mga lalaki na naripon kan mga pulis mantang nagkakawat nin sugal na “monte” sa banwaan na ini.

An raid sa sugalan ginibo sa Brgy. Bagumbayan, alas 7:20 nin bangui kan Febrero 15.

Sabi sa report, parte ini kan pinakusog na kampanya kan gobierno kontra sa gabos na klaseng ilegal na sugal.

Enot na nasampolan kan operasyon kan mga awtoridad iyo sinda: Rodolfo Adane y Descas, taga Brgy. La Purisima; Jun-Jun Atole y Ocquia; Aristotle Villamora y Sales; Jimmy Cleofe y Pacao, taga Brgy. Bagumbayan Grande; Alex Pilapil y Reyes, taga Brgy. Gimaga; Allan Manjares y Pagao, taga La Purisima; Roberto Francia y Parsa, kan Poblacion, Tigaon; Geronimo Valle y Piedad, Taytay; Mario Concepcion y Pares, Taytay; Mario Concepcion y Pares, Tagongtong; asin si Teofilo Atole y Rodriguez, barangay kagawad kan Bagumbayan Pequeno.

Sabi kan informante kan BICOL STANDARD haloyon nang makusog an sugal na ini digdi na dae natitingkog kan mga awtoridad.

Nakua sa lamesang pig-susugalan iyo an mga taya na cuarta na nagkakantidad P3,403.00; 41ng baraha; 3ng pidasong papel (reglahan); 32 na plastic chips; 3ng ballpen asin 1 itom na sadit na kahon.

An mga imbueltong persona sasangatan nin kasong pagbalga sa ley sa Illegal Gambling.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...