Monday, February 20, 2017

Mga holdupper nag-atake sa Legazpi City


LEGAZPI CITY 02/20/17 (BICOLSTANDARD) –Nakasulot nin kalo, may maskara sa pandok an lalaki na suspechado na fuersahan na nag-agaw kan bag asin ibang personal na gamit ni Maria Angelica Simona Zamora y Hefti, residente kan Gov. Reynolds St., Brgy. 7, Bano, digdi.

Base sa declarasyon kan victima, luway-luway siyang naglalakaw kan Sabadong banggui sa nasambit na lugar kan bigla niyang naheling an dae bistadong lalaki na imbuelto sa krimen na ini.

Ipig-osip kan victima na nakasulot nin itom na jacket an suspechado, may taklob na maskara an pandok asin may armas na badil.

Grabe suboot an saiyang pagkabigla ta idino-op sa saiyang lawas su darang armas asin rinabsing si dara niyang shoulder bag na may laog nin mga llave, SSS ID, ID sa saiyang trabaho, passport, credit card, debit card, pocket W-Fi, power bank, cellular phone asin cash na P2,000.00

Pakatapos sanang maagaw saiya an bag, madalaganon na nagruhab si suspechado pasiring sa saiyang motorsiklo na may naghahalat nang driver na lalaki sa madiklom na parte kan tinampo.

Pig-iimbestigaran pa kan mga awtoridad an nasambit na incidenteng ini.
Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...