Sunday, February 12, 2017

Lola nabanga nin motorsiklo, binayaan sa tinampo

CASTILLA, Sorsogon 2/12/17 (BICOL STANDARD) – Pig iimbestigaran pa kan pulis an aksidenteng nangyari sa Maharlika Highway, sa Brgy. San Isidro sa banwaan na ini na kun saen nabungoan an sarong babae na naglalakaw.




Nabisto an victima na iyo si Estrella Estropia y Fajardo, 72 anyos, residente kan Brgy. Milagrosa digdi.

An incidente nangyari kasoodmang alas 12:15 nin hapon (Feb 10).

Imbuelto sa aksidente an color azul na motorsiklo na mayong plaka.

Segun pa sa pag-siyasat an driver kan nasambit na vehiculo, en vez na tabangan an nabungo niyang gurang, orog pang pinaharorot an pig lulunadan na motorsiklo padulag.

An direksyon kan driver pasiring sa Ciudad kan Sorsogon.

Dinara sa Sorsogon Provincial Hospital an victima tanganing ipabulong.

An pulis nag-coordinar na sa Highway Patrol Group sa Sorsogon City tanganing mabisto asin madakop an nakabanga na driver.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...