Tuesday, February 21, 2017

Lapa na tinampo sa Tinambac pigtuyaw


TINAMBAC, Camarines Sur 02/21/17 (BICOLSTANDARD) – “Mamundo kami. Naging aliwalas na an samong mga opisyal kan barangay asin banwaan.”

Ini an makaherak na sentimiento kan mga residentes kan Brgy. San Ramon asin Pantat sa banwaan na ini na nagsasapo nin makuring kadifisilan sa pagbyahe sa lapa nang tinampo pasiring sa saindang lugar.

Sarong residente kan Pantat an nagkusog nin boot na makiolay sa media an nagsabi na haloyon na sindang pigpromisahan na aasikasohon an nasambit na problema, alagad hasta ngonian, mayo man nin pagbabago.

“Poon pa sa administrasyon kan mga nakaaging mga alkalde iyo na iniho an problema mi. Taon-taon arog kaini an problema,” sabi niya.

Mantang nagraragot an ngipon kan gurang para ipaheling an saiyang pagkadisganar, naghagad siya nin dispensa na dae sambiton an saiyang pangaran sa paghadit na baad siya suboot anggotan kan kan kapitan sa saindang barangay.

“Helingon po nindo an tinampo. An tahaw garo nang nahubasan pa sanang sapa. Dae lamang kami nadungaw kan mga opisyal,” dugang pa kan gurang.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...