Sunday, February 12, 2017

Lalaki sinaksak, suspechado detinido sa Tiwi

TIWI, ALBAY 2/12/17 (BICOL STANDARD )  Maatubang nin caso kriminal si Joselito Labor y Celorico, 27 anyos na residente kan Brgy Gajo, huli sa sahot na pagsaksak niya ki Sammy Celorico y Carullo, kan kapareyong barangay digdi.


Base sa record kan pulis si Celorico bigla na sanang binansukan nin kutsilyo sa saiyang kagiriran kan suspechado.

Nangyari an krimen kasubagong alas 3:15 nin amay na pagkaaga.

Wak-wak an tulak kan victima kaya idinalagan siya sa Ziga Memorial District Hospital sa Tabaco City tanganing ipabulong.

Sa ibong na lado, si Labor pinasabot na kan saiyang mga derechos sa lindong kan Constitution asin ngonian nasa laog kan detention cell kan banwaan na ini.

Pig pepreparar na an caso na isasangat contra sa suspechado.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...