Friday, February 17, 2017

Lalaki, binadil sa Masbate, gadan

MANDAON, Masbate 02/17/17 (BICOLSTANDARD) – Binawian nin buhay si Jodito Roxas y Caaya, 41 años na taga Brgy. Ayat, sa banwaan na ini kan siya badilon kan suspechadong si Armado Dela Cruz, kasubagong alas 7:00 nin aga.



An victima nagbabakal nin pambahog sa saiyang mga ataman na hayop kan siya ranihan dangan badilon kan suspechado.

Sabi sa bareta, harane sanang maray an distancia kan parabadil sa victima kaini.

Pakatapos na mangyari an krimen, an suspechado nagdulag pasiring sa dae maaraman na direksyon.

Mayong makapag sabi kun ano an motibo ni Dela Cruz ta ginadan niya an victima.

Hinahanap siya ngonian kan mga awtoridad tanganing panimbagon sa casong pang gadan sa victima.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...