Thursday, February 23, 2017

Lalaki binadil, ginolgolan pa nin liog sa Pilar


PILAR, Sorsogon 02/23/17 (BICOL STANDARD) – Haros maputol an liog ni Jose Lupango y Llosis, na taga Brgy, Inupagan sa banwaan na ini kan siya golgolan nin liog, pakatapos na badilon sa daghan kan suspechadong si Carvic Lorda y Bitancur.

Sabi sa imbestigasyon, dinumanan kan victima si Lorda sa saindang residencia asin inagyat na magpunite sinda pakatapos nin mainit na diskusyon.

Nin huli sa malanit na mga taramon asin nagkakalakaga na emosyon kan duwa, suboot binadil kan suspechadong si Lorda an victima.

Tinamaan nin bala an victima sa daghan.

Dae pa nakontento sa pagbadil sa victima, an suspechado nagkua pa nin ginunting asin tinigbas an liog kan victima, na diit pang maputol, sabi sa bareta.

Nagdulag an suspechado pasiring sa Brgy. San Antonio Sapa, na nakasakay sa motor sa dagat.

Dinara an victima sa Leosola Funeral Homes tanganing ipa-autopsy.

Nagpapadagos pa an pulis kan saindang imbestigasyon kan kasong ini.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...