Sunday, February 19, 2017

Grade 4 pupil nahungkang kan magsakat sa monumento ni Rizal


LEGASPI CITY 02/19/17 (BICOL STANDARD) – Pwedeng magreklamo sa mga nanunungdan an magurang kan grade 4 na aki na nabarian nin tulang, alagad habo suboot na agapan kan ambulancia kan privadong hospital, kun dae ngona magtao nin depositong cuarta.

Sabi sa report an aki mantang nagkakawat nagsakat sa monumento ni Rizal sa parke, asin nadisgraciang nahulog.

Base sa pahayag kan nagsapod sa menor de edad, haros magluwas an tulang sa may siko niya na resulta kan maidoon ini paghugpa sa daga.

Idinagdag sa bareta na an nakaduty na guardia kan eskwelahan nag-apod nin tabang na ambulancia hale sa hospital, alagad en vez na na magpadara tulos nin ambulancia, hinahagadan suboot ngona siya nin depositong cuarta.

An paciente yaon naman sa salvadong kamugtakan ngonian sa hospital.

Mientrastanto, mantang dae pa nakakaolay an nagpapadalagan kan privadong hospital, pigmarhay ngona kan BICOL STANDARD na dae pag sambiton an saindang pangaran para makua an saindang lado sa estoryang ini.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...