Tuesday, February 28, 2017

Florencia bus naaksidente, mga pasehero salbado


TIGAON, Camarines Sur 02/28/17(Bicol Standard) -- Mawerteng mayong nagadan alagad dakul an nagkaigwa nin gatok asin bakrus kan maaksidente kasubagong alas 7:30 nin aga (Febrero 28) an Florencia bus na byaheng Naga-Lagony.

An kadaklan kan mga pasahero napiritan na magtaragbang paluwas sa bus kan marisa nindang nawaran nin direksyon an vehiculo.

Nangyari an remalaso sa pag-oltanan kan Barangay Panagan asin Salvacion sa banwaan na ini, mantang an bus hale sa Naga City pasiring sa banwaan kan Lagonoy.

Segun ki Police Insp. Ariel Pregonaro y Blanco, an hefe kan police digdi marikas man sindang nagdespachar nin mga tawohan pasiring sa lugar kan aksidente.

Mayoriya sa mga pasahero kan bus an nag-kanya-kanyang lunad sa ibang awto pasiring sa saindang distinasyon.

An nagkapira sa mga nagsapo nin gatok asin bakros iyo sinda Maria Corazon Maranan, kan Tigaon, Eurelyn Nacional, kan San Agustin, Pili, Eric Villete kan Sta. Maria, Lagonoy asin Jeanette Aquino.

Mantang ginigibo an imbestigasyon an driver kan Florencia bus na si Aristo Nipa y Casual, na residente kan Salvacion sa banwaan na ini an nasa poder kan mga awtoridad.

Sabi pa sa report an bus may body number 5508 asin plakang numero EVT 639.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...