Friday, February 24, 2017

Estudiante 3ng beses binadil, tinamaan sana sa tabay


SORSOGON CITY 02/24/17 (BICOLSTANDARD) –Binadil kan alas 4:45 nin hapon kan sarong aldaw (Febrero 22) an 17 anyos na Grade 9 na estudiante sa Rizal National High School asin residente sa Brgy. Bulabog digdi.

An victima nabistong si Honing Ladines Laureta, 17 anyos.

An suspechado sa krimen iyo si Rodel Florentino Tamondong, 35, may agom asin residente kan Purok 5, Brgy. Bulabog.

Sabi sa pagsiyasat kan pulis nagluluwas na antes manyari an incidente kasoodma, an victima nagpasiring sa harong ni Victorio Tamondong sa kapareyong lugar tanganing magpagunting nin buhok.

Mantang yaon siya sa nasambit na lugar nag-abot an suspechado na sa pagtubod kan victima naka-inom nin alak asin nagkaigwa nin diskusyon sa saiyang tugang na si Victorio, huli sa luma nang problema.

Kasunod kaini an suspechado nagbunot kan saiyang badil na napapatos sa yamit asin duwang beses na kiniblit an gatilyo na nakapuntariya sa victima asin ki Victorio.

Alagad, dae nagputok an badil.

Liwat kiniblit kan suspechado an gatilyo kan saiyang badil asin digdi tinamaan nin bala sa tabay an victima.

Huli kan tama nin bala, idinalagan tulos an victima sa Sorsogon Provincial Hospital tanganing ipabulong.

An suspechado voluntad na nagsuko sa pulis.

Pighahanda na ngonian kan mga awtoridad an kaso na isasangat kontra sa suspechado digdi.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...