Monday, February 13, 2017

Harong nin maestra, sinalakat


DAET, CNorte— Sinalakat kan dae nabistong tawo an harong ni Mabel Milano y Orias, maestra na taga Lot 1, Block 41, Happy Homes Fairview II Subdivision, Brgy. Magang sa banwaan na ini.

Nangyari an krimen poco mas o menos alas 6:30 nin aga, kan Pebrero 12.

Base sa pagsiyasat kan pulis, rinangka kan parahabon an steel grills kan bukas na bintana, asin duman siya nag-agi paglaog sa harong.

Rinuskay na entero an mga gamit sa laog kan cuarta asin nalalay kan parahabon an kantidad P6,000.00 na cash, sarong unit nin Cherry mobile cellphone, asin sarong pidasong silver kwentas.

Nag-iimbestigar pa an mga awtoridad kan nangyaring krimen sa oras na sinusurat an baretang ini.
Share:

Featured Post

FDA releases statement on unregistered lambanog

The FDA, through its inspectors at the Regional Field Offices (RFO) and agents of its Regulatory Enforcement Unit (REU), in coordinatio...