Tuesday, February 21, 2017

Binadil sa Magayon Drive, gadan


DARAGA, Albay 02/21/17 (BICOLSTANDARD) –Tama nin bala sa saiyang daghan an ikinagadan ni Dennis Mirandilla, 30, taga P-9 Brgy. Tagas digdi, segun sa report ngonian na aga kan pulis.

Si Mirandilla nakuang naka bulokon sa guilid kan tinampo poco mas o menos alas 2:35 ngonian na amay na aga.

Nangyari an krimen sa Magayon Drive, digdi.

Nagkakarigos siya nin dugo huli sa tuminadom na bala hale sa dae pa madeterminaran na calibre nin badil.

Base sa report an victima naka sulot nin T-shirt, pantalon na may walong bulsa asin tsinelas.

Kataid niya an bisekleta na pwedeng saiyang piglunadan kan badilon siya kan dae nabistong para gadan.

Idinalagan pa kuta an victima sa Bicol Regional Training and Teaching Hospital (BRTTH) sa Legaspi City, pero ipigdeclarar kan doctor na gadan na.

Nagpapadagos pa an pagsiyasat kan mga awtoridad kan kasong ini.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...