Thursday, February 23, 2017

Bagong parokya kan Caceres binuksan


An ika 92 na Parokya kan Arquidiocesis binuksan sa sarong selebrasyon kan Eucaristia na pinangenotan ni Reverendissimo Rolando Octavus J. Tria Tirona, OCD, DD kan Pebrero 20, 2017 sa Brgy. Dugcal, Camaligan Camarines Sur.

An bagong prokya mangangataman kan limang barangays asin duwang sitios.

An mga brgy kan Dugcal, Sua, Sitio Gogon asin Tampac sa banwaan kan Camaligan asin mga barangay kan Sua, Mangayawan, Iquin sa banwaan kan Canaman an aatamanon kan bagong parokya sa pangataman ni Sta. Teresa kan Kolkata.

Pinagnomrahan man kan Arzobispo si Reb. Padre . Bernard M. Lagatic bilang enot na Cura Parocco kan nasambit na bagong Parokya.

Hinagad kan Arzobispo sa saiyan homiliya an pagkasararo asin pagtarabangan kan lambang saro sa paghingowa na maitindog an bagong simbahan. (Archdiocese of Caceres)
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...