Saturday, February 11, 2017

Army asin NPA nagbaradilan na naman sa Sorsogon

MAGALLANES, Sorsogon 2/11/17 (BICOL STANDARD) – Haros 15 minutos si nangyaring baradilan entre kan mga soldados kan gobierno asin kan New People’s Army (NPA) sa Brgy. Tula-Tula, digdi kasuodma.


Sabi sa report, poco mas o menos alas 5:47 nin agang amay kan madangog an nag-papagring na mga putok nin mga badil hale sa mag-ibong na lado.

An mga miembros kan Scout Platoon kan 31st IB, sa panginginot ni 2Lt. Michael P. Banucad (PA) an nasa pagpatrolya kan makasabatan ninda an 15ng mga rebelde na tulos nagresulta sa mainit na baradilan.

Mayo nin nagadan o nalugadan sa mag-ibong na lado.

Natapos si baradilan kan mag-atras suboot an mga rebelde pasiring sa sulnupan na direksyon.

May nakuang sarong anti-tank landmine asin casing para sa rifle grenade sa pinahgyarihan kan encontrada.

Mientrastanto, an gabos na police stations sa mga banwaan an pig derihiran na magbugtak nin mga check points sa mga stratihikong mga lugar.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...