Monday, February 27, 2017

Agom na babae, sinaksak kan esposo huli sa selos


BASUD, Camarines Norte 02/27/17 (Bicol Standard) -- Sinaksak kan saiya man sanang agom si Lorelyn Espina y Minon, 42, taga Purok 3, Brgy. Manmuntay sa banwaan na ini kasuodmang mag-omagahon.

An suspechado iyo si Eduardo Espina y Nagera, 42 anyos an edad.

Binansokan nin matarom na kutsilyo an daghan kan victima, na iyo an naging causa kan saiyang kagadanan.

Sabi kan pulis, an suspechado, nagpuli sa saindang harong na nasa influencia nin arak.

Pig bukasan pa kan victima an pwerta kan saindang harong kan magtoktok an suspechado.

Alagad, sinaksak tulos ni Espina an saiyang agom.

Pakatapos kan krimen, nagdulag an suspechado pasiring sa dae aram na direksyon.

Idinalagan kan mga nagrespondeng miembros kan Municipal Disaster Risk Reduction Management Office kan banwaan na ini an victima, pero sabi kan doctor mayo na siya nin buhay.

An mga imbestigador may nakuang informasyon na makuring pag selos an guinikanan kan krimen.

Suboot, an lalaki haloy nang nagdududa sa saiyang agom, na pwedeng iyo an nagtuklang saiya tanganing magibo an makangirhat na incidente.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...