Sunday, February 19, 2017

4 na taga Legaspi dinakop sa tupada


LEGASPI CITY 02/19/17 (Bicol Standard) – Duwang pambulang na manok, 3ng parabulang, asin 2ng tambod an dinara kan mga pulis paghale sa raid na ginibo sa tupada sa P2, Brgy. 49 Bigaa, sa ciudad na ini kasubagong alas 11:00 nin odto.

An nagsakyadang mga tawohan kan pulis pinanginotan ni PSI Efren Paloyo sa supervision nin PSupt Nilo S. Berdin Jr., an Acting Chief of Police digdi.

An nasambit na operasyon parte kan seguidong pagdakop kan mga ilegal na tupada sa mga barangay.

An mga inarestar kan mga awtoridad iyo an minasunod: Ervin Barro y Blanco, taga Brgy. Buenavista, Rapu-Rapu, alagad temporaryong nag-eerok sa 47 Brgy. Arimbay; Alex Baloloy y Blanco, kan P1, Brgy. 47 Brgy. Arimbay; Robert Catuera y Baytan, kan P7 Brgy. 47 Arimbay; asin Marcelo Aguado y Ferros, kan P2 Brgy. Bigaa, gabos sa ciudad na ini.

An mga nasambit na persona gabos maatubang nin casong pagbalga kan PD 449, asin Illegal Gambling na isasangat kan pulis.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...