Wednesday, February 22, 2017

2ng nagtaga nin gurang, akusado sa Calabanga


CALABANGA, Camarines Sur 02/22/17 (Bicol Standard) –Maatubang nin mga kaso an magpinsan na sinda Ronny Padrigal y Hipolito asin Reggie Padrigal y Lagarde huli sa sahot na sinda iyo an responsable sa pagtaga ki William Francia y Bual, 60 anyos na para hornal, asin residente kan Brgy. Sta. Cruz Poblacion sa banwaan na ini.

Segun sa imbestigasyon an victima asin si Ronnie Padrigal y Hipolito, 21, na saro man na trabahador nagkaigwa nin mainit na diskusyon.

Pirang minutos an nakalihis, suboot an pinsan ni Ronnie na si Reggie Padrigal y Lagarde, 23, trabahador man sa kapareyong barangay tulos tinibtiban kan saiyang darang sundang an victima.

Tinamaan nin taga an toong kamot an victima kaya an victima tulos idinalagan sa Bicol Medical Center (BMC) sa Naga City para ipabulong.

Nangyari an krimen kasuodmang poco mas o menos alas 11:25 nin odto sa sinambit na barangay.

An magpinsan na suspechado pareyo nasa laog na kan carcel kan banwaan na ini, mientras na pighahanda an kaso na isasangat kontra sainda.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...