Monday, February 20, 2017

2ng matinda nin gulayon, ginadan


GUINOBATAN, Albay 02/20/17 (Bicol Standard) –Duwang paratinda nin gulayon an binadil nin dae nabistong tawo sa Purok 4, sa Brgy. Lower Binogsacan digdi, sabi sa report na ipinaabot sa pulis.

Nangyari an krimen kasubagong poco mas o menos alas 3:45 nin mag-omagahon.

Base sa informasyon na hale ki Mario Rada y Almodal, na residente kan nasambit na barangay, an mga victima iyo sinda Edwin Pababiro asin Nelly Pababiro, pareyo taga Purok 6, Upper Binogsacan sa banwaan na ini.

Nakua kan mga pulis sa pinangyarihan kan krimen iyo an capsula asin an ilog kan bala na pinaputok sa paggadan kan mga victima.

Dae pa aram an motibo kan paragadan.

An duwang victima binawian nin buhay sa mismong lugar kan incidente.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...