Monday, February 20, 2017

2 holdupper sa Pili, nakalalay P57K hale sa ahente


PILI, Camarines Sur 02/20/17 (BICOLSTANDARD) –Nagdeclarar nin holdup an duwang dae nabistong tawo dangan kinua an gabos na darang cuarta ni Aries Nasol y Delara asin Leonardo Mabana y Balmores, na pareyong ahente kan Milaor Trading Corporation, sa banwaan kan Milaor, Camarines Sur.

Nagluluwas sa imbestigasyon na pinara ngona kan duwang holduppers an mga victima, sabay an pagtutok kan darang armas na calibre .45 sa lawas ninda.

Difisil na mabisto an mga suspechado huli ta nakasulot sinda nin helmet asin may taklob pa sa pandok, sabi kan pulis.

Kaibahan kan duwang mga ahenteng victima kan holdup an saindang Area Supervisor na si Reynaldo Dulpina, kan mangyari an krimen.

Pagpondo sana kan van na sinasakayan kan mga victima mayong sinayang na oras an mga suspechado na dagos kinua an gabos na cuarta na koleksyon ninda sa bilog na maghapon.

Ipigdeclarar kan mga victima na dae mababa sa P50,000.00 na cash an nakua sainda asin an personal na pitaka kan mga victima na may laog nin kantidad na P7,300.00 asin mga ID.

An lugar na pinangyarihan kan incidente yaon sa lugar na parate nakapondo an mga awto, huli sa traffic ta pighihirahay an tinampo sa nasambit na lugar.

Nangyari ini poco mas o menos ala 1:30 nin hapon.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...