Monday, February 27, 2017

12ng para 'tari-tari' dinakop asin kinarasohan sa Libmanan


LIBMANAN, Camarines Sur 2/27/17 (Bicol Standard) –Apisar kan mayong huraw na patanid guikan sa pulis dapit sa pinaisog na kampanyan kontra sa tupada, padagos pa guiraray an inaapod na “tari-tari” o tupada sa mga barangay digdi.

Base sa report, kasubagong alas 3:30 nin hapon, 12ng mga paratupada an binitbit kan mga awtoridad pasiring sa hepatura sa banwaan tanganing plantiaran nin kaso sa pagbalga kan P.D. 449 o an inaapod na Illegal Cockfighting Decree.

Ini may relasyon sa pagboot kan Philippine National Police na darakopon an gabos na illegal na sugal sa bilog na nasyon.

Kabale sa mga kakasohan iyo an minasunod: Ronald Opis, Wilfredo Palacio, Roberto Cipres, Wilfredo Relorcas, Paolo Lomero, anas taga Brgy. Awayan.

An iba pang inarestar iyo sinda Roderick Llaneta asin Leonardo Llamado, mga taga Brgy. Bikal; Randy Alfonso, Jerick Edona, Harjie Abona, pareyong mga taga Brgy. Beguito Nuevo; asin si Rodolfo Lee, na taga Brgy. Fabricante, sa Sipocot, Camarines Sur.

An mga arestado detinido ngonian sa police, sa banwaan na ini.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...