Sunday, February 19, 2017

1 aki gadan, 2 irido kan baradilon sa Cataingan, Masbate


CATAINGAN, Masbate 02/19/17 (BICOLSTANDARD) – Sarong 14 anyos na aki an gadan, sarong 9 anyos na aking babae an nalugadan asin an saindang ina tinamaan nin bala kan laogon nin parasalakat an saindang harong sa Sitio Puro, Brgy Villa Pogado digdi kasubanggui, poco mas o menos alas 8:20.

Sabi sa report, sarong lalaki na naka maskara asin may sulot na bonnet sa payo an biglang naglaog sa harong kan mga victima asin mantang nasa laog pina-arak-asakan nin bala an mga miembros kan familia.

Binawian tulos nin buhay an 14 anyos na si Ariel Tubos y Barnaja huli kan nagtadom na bala sa saiyang daghan.

An saiyang ngohod na tugang na si Angelica Tubos y Barnaja, 9 anyos an edad tinamaan nin bala sa saiyang duwang bitis.

Si Elvie Tubos y Barnaja, 32 anyos, tinamaan sa walang parte kan saiyang daghan.

Sabi kan mga imbestigador an mga victima nagtuturog na kan biglang maglaog an suspechado, dangan nagpapaputok kan saiyang darang armas.

Marikas na nagkutipas padulag an suspechado pasiring sa dae maaraman na direksyon.

Mientrastanto, an mga victima idinalagan sa Cataingan District Hospital tanganing ipabulong.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...