Thursday, January 19, 2017

Selosong driver, hinumbalan nin silya an lover

NAGA CITY 1/19/17 (BICOL STANDARD)  An makuring pag selos an rason kun tano ta pirang beses na hinumbalan nin silya ni Russel Velasco, 45 anyos, trimobile driver, si Amaven Ama y Tantuico, trimobile driver man na suboot naabotan niya sa laog kan saindang harong.



Enot kaini, sabi ni Velasco, nagkakalakaga nang dati an saiyang dugo ki Ama ta naabotan niya ini sa laog kan cuarto ninda kan Martes, ngonian na semana.

Kan pig comprontar niya an saiyang agom, an sabi saiya naki-charge sana kan bateriya kan cellphone.

Alagad, kasubagong alas 3:00 nin hapon, liwat na inabotan na naman ni Velasco an pareyong lalaki na nakaparada an trimobile sa tungod kan harong ninda.

Paglaog niya sa harong, naheling na nakahigda si Ama, kaya nag-sulwak suboot an saiyang dugo, kaya pirang beses na pig para humbalan nin silya.

Mientrastanto, en ves na sawayon kan saiyang agom si Velasco, kinugos pa kaini si Ama para dae tamaan kan armas na tukawan.

Huli kaini, nagsapo nin mga bakros asin rungas an babae, asin an saiyang sinasahotan na karelasyon kan saiyang agom.

Sa imbestigasyon kan pulis, nagluluwas na an sasangatan nin caso iyo pa lugod si Velasco huli kan mga gatok asin rungas sa lawas ni Ama.

An sabi, mayong rason na kulgan niya an victima ta mayo man nin ginigibong iba, kundi an magpahayahay sa tukawan sa laog kan harong ninda.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...