For immediate hiring

For immediate hiring

Saturday, January 21, 2017

Para sira sa Caramoan, gadan sa pag dinamita nin sira

CARAMOAN, CSur 1/21/17 (BICOL STANDARD) – Haros magkapiridaso an kamot, asin lawas ni Joel Pavia, 45 anyos kan Brgy Cabacongan, digdi,  kan aksidenteng maputokan nin dinamita an saiyang kamot na gagamiton kuta sa pagdakop nin sira sa bahawra.


Nangyari an incidente kasubagong alas 5:45 nin hapon.

An victima nag-onoy na nag-gibo nin inaapod na “bigas-bigas,” na sarong claseng dinamita.

An “bigas-bigas” gibo hale sa abono (urea) sa tinanom na binugtakan nin mitsa.

Pag-sinabritan an mitsa dagos ining minaputok, na parateng pig uusar sa pagdakop nin sira sa hababaw na dagat.

Alagad, nagluluwas sa report na napasala si carculo ni Pavia, ta paghuna niya dae pa mabuag an bomba.

Pugol pa niya  an“bigas-bigas” asin kan sabritan niya an mitsa tulos na nag;putok sa saiyang kamot.

Bako lang an kamot kan victima an naging garong burak, kundi pati an saiyang lawas piniridaso pa kan dinamita.

Binawian nin buhay an victima.

An Caramoan saro sa banwaan kan Camarines Sur na uso pa an dinamita sa pag-sira.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...