Thursday, January 19, 2017

Para salakat, nakahuyom kan maabotan kan victima sa laog kan harong

DAET, Camarines Norte 1/18/17 (BICOL STANDARD) – Mayong paghadit asin pag-alangan an ipinaheling sa lalawgon kan para salakat na naglaog sa cuarto kan 16 asin 14  anyos na mga daragita na victima kan paghabon.



Sabi sa report kan mga imbestigador, nasabat pa sa compound kan saindang harong an parahabas, na armado nin screw driver, na ginamit sa pag-tutok sa lawas kan victima, para fuersahan na makua an saiyang cellphone.

An incidente nangyari sa N. Baldovino St., Brgy. Camambugan, digdi kan Lunes na odto.

Ipinahayag kan pulis na base sa declarasyon kan mga victima, an para salakat purosog an lawas, nakasulot nin T-shirt na color itom asin yellow na media pantalon.

Poco mas o menos 5’4” an langkaw kan lalaki na suspechado digdi.

Mientrastanto, sinabi kan saro sa mga victima na nasabatan pa niya an nagsalakat sainda, asin nakahuyom na sinabihan siyang “Pumasok ka,” kan magkasabatan sinda sa may puerta.

Ipinahayag ni Theresa, an saro sa mga menor de edad na victima na narisa niya paglaog pa sana sa saindang harong na bukas an saindang puerta.

Nagheling niya na enterong rinuskay an saindang mga gamit sa laog kan cuarto, pati an hapin sa saindang cama.

Kan nagkasabatan sinda sa puerta, kinua pa an saiyang Samsung Galaxy Win Cellphone na nagkakantidad P6,000.00.

Afuera kaini, an 3ng cellphone na sadire kan saiyang tugang na ngohod na tugang an nawawara, asin posibleng tinabag pa kan parahabon.

An mga awtoridad nagpapadagos pa kan saindang imbestigasyon kan casong ini.

Mayo pang suspechado hastang sa panahon na sinusurat an baretang ini.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...