Tuesday, January 31, 2017

Mag-agom binadil, babae gadan


CALABANGA, CSur—Sinurongan sa laog kan saindang sadit na harong, dangan binadil an mag-agom na Alfredo asin Carmen Aguilar, na residente kan Zone 4, Brgy. Sabang, sa banwaan na ini.

Susug sa report kan pulis nangyari an krimen poco mas o menos alas 7:20 kan fecha 29 kan Enero.

An mag-agom na Aguilar nagkakakan kan saindang pamanguihan, kan sinda pa-arak-asakan nin badil.

Tulos nagadan si Carmen sa laog kan saindang harong, huli sa mga tama nin bala hale sa calibre .45ng badil.

Mientrastanto, si Alfredo igwa man nin tama sa saiyang lawas kaya idinalagan sa Bicol Medical Center para bulongon.

Hasta ngonian yaon pa siya sa laog kan sinambit na hospital.

Mayo pang ideya an mga pulis kun sisay si duwang personang parabadil sa mag-agom na Aguilar.

Nagpapadagos pa an imbestigasyon kan casong ini, sabi kan pulis.
Share:

Featured Post

LGU Naga City, stricto sa mga paputok

NAGA CITY (Bicol Standard) -- Pig orolayan kan mga oficial kan LGU Naga asin an 27ng Punong barangays kan Ciudad an mga estratihiya par...