Friday, January 6, 2017

Lineman kan DCTV, nakuryente, idinalagan sa hospital

POLANGUI, Albay 1/06/17 (Bicol Standard) – Marikas na idinalagan sa hospital kasubagong alas 10:00 nin aga si Manly Nasol, residente kan Brgy. Libod, Camalig, Albay kan siya mahulog hale sa poste kan pighihirahay niyang linya nin kuryente.



An sabi sa record kan pulis, si Nasol, empleado bilang lineman kan DCTV.

Suboot, nagsakat siya sa poste kan Digitel, tanganing maghirahay kan saindang linya.

Alagad, mantang yaon sa itaas kan poste, nakadoot an saiyang buhok sa primary line kan APEC, kaya nagdalihig an kuryente sa saiyang lawas.

Iyo ini an naging rason para mahulog siya hale sa itaas kan poste kan Digitel, asin luminagapak sa daga.

Nagsapo nin mga rungas sa lawas si Nasol, kaya siya pigbubulong ngonian sa  Estevez Hospital.

An incidente nangyari sa Maharlika Highway, sa Brgy. Basud, sa banwaan na ini.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...