Sunday, January 1, 2017

Paratinda nin rebentador dinakop kan pulis sa Ligao City

LIGAO CITY 1/01/17 (Bicol Standard) – Sasangatan nin caso kan pulis si Hector Vargaz y de los Santos, 34 anyos na residente kan Tuburan, digdi huli sa pagbalga kan ley sa pagpabakal nin rebentador.



Dinakop si Vargas kan mga awtoridad sa kainitan kan kampanya contra sa pagpabakal nin mga paputok na dae awtorisado kan gobierno.

Si Vargas pig-aprehendir kan mga pulis mantang nasa akto na nagbabariwas nin mga rebentador asin iba pang clase nin pyrotechnics hale sa laog kan saiyang color puti na Hyundai Grace Van sa Brgy. Dunao, digdi, harane sa basketball court.

Sabi kan mga nagdakop saiyang mga awtoridad dae nakapaheling nin mga validong papeles na magpapatunay na siya awtorisado na maglaog sa nasambit na negosyo.

Dinakop si Vargas poco mas o menos alas 6:30 nin banggui.

An saiyang pigbalga iyo an provision kan R.A. 7183.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...