Saturday, January 21, 2017

Driver nin motorsiklo gadan kan magbudal sa Jeepney

DARAGA, Albay 1/21/17 (BICOL STANDARD) – Ipig declarar kan doctor sa Bicol Region Teaching and Training Hospital (BRTTH) sa Legaspi City, na gadan na si Ian Padayao y Azana, an driver kan motorsiklo na nakasabat nin aksidente sa P2, Brgy Namantao, kasubagong alas 6:05, ngonian na aga.



An mga pulis na nag-imbestigar kan aksidente nagsabi na si Padayao nakasakay sa motorsiklo pasiring sa direksyon kan Poblacion kan Daraga kan makabangaan kaini an kasabatan na Jeepney na pasiring sa direksyon kan Sorsogon.

An driver kan jeepney iyo si Nonito Ardales y Llamera na taga San Rafael, Castilla, Sorsogon.

Sabi pa sa imbestigasyon, si Padayao an ipigtutukdong may sala sa nangyaring aksidente.

Susug sa report, linaog kan vehiculo ni Padayao an linya kan jeepney kaya sinda nagkasalpukan sagkod an kasabat na jeepney.

Huli kan aksidente, binawian nin buhay si Padayao sa lugar na pinangyarihan kan aksidente.

Idinalagan pa kuta siya sa hospital, alagad an sabi kan nag-atendir na doctos, mayo na siya nin buhay.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...