Tuesday, January 24, 2017

Dating brgy. kagawad kan Naga, dakop sa shabu

NAGA CITY 1/23/17 (BICOL STANDARD) – Pakatapos na mag promisa sa atubangan kan mga officiales kan Ciudad na mabakli na siya asin nungka dae na ma-imbuelto sa pagtinda nin droga, tinuklo man guiraray kan mga pulis si Victor Ocampo y General, na dating barangay kagawad kan Dayangdang.


Base sa report kan pulis, halawig na pagmasid an ginibo kan mga awtoridad sa pagsusug kan mga pigdudumanan na lugar ni Ocampo, ta may mga sumbong na imbuelto pa siya sa droga.

Huli kaini, pig preparar kan pulis an saindang mga tawohan para mag probar na magbakal nin shabu sa suspechado, na nagresulta na positibo an operasyon.

Sa ginibong buy-bust operation poco mas o menos alas 10:50 nin bangui kan Enero 22, nagpositibo an operasyon dapit sa pagpabakal ni Ocampo nin shabu.

Nakua sa saiyang poder an nagkapirang sachet nin shabu asin mga shabu paraphernalia.

Nadakop siya kan mga pulis na nag-sakyada mismo sa saindang compound sa Bulusan Street, Dayangdang, sa lugar na nagtitinda siya nin illegal na droga.

Sa presente si Ocampo nalalangob sa hepatura kan pulis mantang pighahanda an mga caso na isasangat contra saiya.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...