Monday, January 2, 2017

Coast Guard sa Pasacao, arestado sa pagpakanta kan saiyang badil

PASACAO, Camarines Sur 1/02/17 (Bicol Standard) –Nakasapog sa nagkakala-kagang problema si Petty Officer 3 Ryan Lumbre y Betito, Commander kan Philippine Coast Guard Detachment sa PNR, Tutuban, Taguig City kan siya arestaron kan mga pulis sa salang Illegal Discharge of Firearms, na nangyari kasuodmang alas 5:00 nin hapon.


An pagbalga kan ley ipigreport sa pulis, na tulos nagpadara nin mga tawohan sa Sitio Pinagpala, Brgy. Balogo, na iyong pinangyarihan kan incidente.

An suspechado residente kan Sitio Tribu, sa Brgy. Balogo.

Base sa record kan mga awtoridad, kasoodmang alas 6:30 nin bangui, nakarecibe sinda nin mensahe sa text hale ki Eugenio Morales, na miembro kan barangay tanod, na nag-susumbong kan salang gibo ni Lumbre.

Inabotan kan mga pulis an suspechadong miembro kan Coast Guard na si Lumbre, asin tulos siyang inarestar.

Nakua sa saiyang poder an 1ng bala para sa 9mm, asin limang baseyo nin bala para sa kapareyong calibre nin badil.

Alagad, dae nakua kan mga pulis an armas.

An suspechado yaon ngonian sa hepatura kan pulis digdi, mantang pighahanda an caso na isasangat contra saiya.

Segun sa informasyon, duwang caso an isusunad kan pulis, primero an caso criminal para sa Illegal Discharge of Firearms asin an ikaduwa iyo an caso administratibo laban saiya.

Sabi kan mga imbestigador, katugon-tugoni sa sainda na prohibido an pagpakanta kan badil kan mga awtoridad, antes, durante, asin maski anong panahon na dae ini kinakaipo.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...