Monday, December 19, 2016

Residencia sa Ligao City, sinalakat; mga gamit linalay kan parahabas

LIGAO CITY 12/19/16 (Bicol Standard) – Linaog nin dae nabistong para salakat an residencia ni Guia M. Monilla, 57 anyos na taga Brgy Bagumbayan, digdi, kasubagong amay na pagka-aga, mantang siya yaon sa simbahan, nag atindir kan Misa de Gallo.



Base sa sumbong kan victima sa pulis, nadiskubre niya pag abot sa saindang harong na linalay na kan parahabon an saiyang cellphone, na Samsung J7, na an kantidad P9,000.00.

Afuera kan cellphone, pinili pa kan parahabas an saiyang pahamot na may pangaran na Victoria Secret, na dae na niya magiromdoman an valor.

Sabi kan mga imbestigador, sinalisi kan parahabon an residencia kan victima, huli ta mayong nawalat na bantay sa saiyang harong.

An pulis nagpadara tulos nin mga imbestigador para mag-siyasat kan incidente.

Segun sa pulis pirme na sindang nagpapatanid sa mga tawo na pasegurohon na entero an saindang mga harong kun babayaan ini, ta nagmamasid sana an mga para salakat sa mga pwede nindang mabibiktima.
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...