Sunday, December 11, 2016

Pusikit na dealer nin shabu sa Buhi asin Baao, todas sa buy-bust

BUHI, Camarines Sur 12/11/16 (Bicol Standard) – Pigtarabangan kan pulis asin mga ahentes kan Philippine Drug Enforcement and Enforcement Agency (PDEA) an pagdakop ki Ariel Biag y Lerio, por medio kan buy-bust operation kasoodma.


Segun sa report, alas 9:30 nin aga kasoodma, nahulog na sa kamot kan mga awtoridad si Biag, na haloy nang nasa listahan kan pulis na imbuelto sa pagpabakal kan ipigbabawal na shabu.

An suspechadong si Biag residente kan Brgy. Bagumbayan, Baao, Camarines Sur.

Alagad, sa presente nag-eestar siya sa Brgy San Roque, digdi.

Nakua sa poder kan suspechado an buy-bust money na ginamit kan mga pulis, an shabu na saiyang ipig papabakal asin sarong calibre .38 na revolver.

Si Biag iyo an sinasabing No. 7 sa Drug Watchlist sa Baao.

Nagluluwas sa mga natipon na informasyon kan mga awtoridad na an iyo an saro kan pinakapusikit na paratinda nin druga sa mga barangay kan Baao, asin sa banwaan na ini.

Sa operasyon ka pulis, binawian nin buhay an victima.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...