Invitation for Bids

Invitation for Bids

Job Posting

Job Posting

Tuesday, December 6, 2016

Presyo kan kuryente sa Albay nagbarato nin P1.00 /kwh, sabi kan APEC

ni Vince Villar, BICOL STANDARD ALBAY

LEGAZPI CITY 12/06/16 (Bicol Standard) -- Piso an ibinaba sa singil sa kuryente sa Albay sa nakalihis na duwang bulan, segun sa pahayag kan Albay Power and Energy Corporation-San Miguel Corporation (APEC-SMC).

Segun ki Pat Gutierrez, spokesperson kan APEC, an dating P8.80/kwh na presyo kan kuryente, nagi na ining P7:80/kwh na sana ngonian.



An rason kaini iyo an pagdakul nin supply nin tubig sa mga hydropower plants, huli sa padagos na pag-uran sa nakaaging mga aldaw, sabi sa intrevista kan BICOL STANDARD.

An sabi pa ni Gutierez piglalaoman ninda na orog pang mababa an presyo kan kuryente kun dakul an supply nin tubig sa halawig na panahon.

Mientrastanto, kabale sa maray na bareta iyo an paglangkaw kan collection efficiency kan APEC kan nakaaging Nobyembre.

Paghale sa dating 23% naging 36% an collection ninda.

An pinakadakulang parabayad iyo an mga inaapod na High Voltage Account (91%), sunod an mga Low Voltage Account, siring kan mga Local Government Units (LGUs), (50%) asin an pinakamaluya man guiraray na parabayad iyo an mga residential houses, na paghale sa 23%, pero ngonian, 34% sana.

Sabi ni Gutierez an pinaka dakulang angat sainda kun pano maglangkaw an collection hale sa residential consumers, na 50% kan kabilogan kan 187,000 na total na consumedores nin kuryente.

Idinagdag pa niya na kun 50% lamang kan mga saradit na consumedores an magbayad, pwedeng dae putolan nin kuryente an APEC kan supplier kaini.

Idinugang pa niya na an mga nagsusuply nin kuryente nagtao nin plaso hastang sa Disyembre 22 na mayabadan an utang tanganing dae magdiklom an bilog na provincia kan Albay.

Sa presente, P2.2 Billiones an utang kan APEC poon sindang mag asumir kan pagmanehar kan dating Albay Electric Cooperative (ALECO).

Dae pa digdi kabale an an dating utang kan cooperatiba na kantidad P4 billion.

Nanotaran kan manehamiento kan APEC na nagbaba man an Systems Loss paghale sa 26.60%, ngonian 22% na sana.

Sabi ni Gopengco Napag, an obheto ninda iyo an mapababa an Systems Loss sa 13% o mas hababa pa digdi.
Share:

SPECIAL OFFER

SPECIAL OFFER

Featured Post

Besinio is new Baao mayor

BAAO, Camarines Sur –The Department of Interior and Local Government Regional Office in Bicol has officially served the dismissal order...