Monday, December 12, 2016

POLITIKA | VP Leni Robredo, inako na nagluya nang maray an LP, pakatapos kan turno ni PNoy

Inako ni Vice Presidente Leni Robredo na disorganisado mananggad an Partido Liberal ngonian, apisar pagiging dominanteng partido kaini sa nakalihis na 6 na taon.


An kadaklan na mga miembros kan LP nagdudurolak pa o dae nagkakaigwa nin maray na pagka-irintiendihan.

Ini an mga pahayag kan vice presidente sa press conference na ginibo sa Laguna kan Sabado.

Idinagdag kan ni Robredo na durante pa kan sinda nasa kampanya kan Mayo, naheling na niya an senyales na si Presidente Duterte an magana sa election.

Naheling man ni Robredo an marikason na pagtaragbangan kan mga miembros kan LP pasiring sa grupo ni Pres Duterte, na iyong orog na nagpaluya kan kandidatura ni dating DILG Sec Mar Roxas.

Mientrastanto, poon sa Enero, papakusogon liwat kan LP an saindang partido sa paagui kan saindang interim president na si Sen Pangilinan.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...