Tuesday, December 13, 2016

“Pole dancer” na bakla, inaaragawan na maging katable

TABACO CITY 12/13/16 (Bicol Standard) –An pambihirang abilidad sa “pole dancing” an nakaranga asin nakadakop kan atensyon ni Boyet Santos (bakong tunay na pangaran) Punong barangay kan Tiwi, Albay, na naglaog sa night club, alagad nagreklamo ta “napeke” siya kan baylarina na bako man babae, kundi Darna.


An panambitan ni Kap Boyet iyo su halawigon na oras sa saiyang paghalat sa dancer na paghuna niya tunay na reyna.

Nagsabong sa isip ni Kap na mag-osip na sana sa floor manager kan club, ta baad may remedyo pa.

Sabi kan nagkakalintar na Kapitan, mapulot kayang maray su mga pasikrap na heling saiya kan dancer.

An naiibang gayon sa pagbayle orog na su pag-sabod-sabod asin pagburu-bolagting sa poste an nakapirit saiya na i-table lugod an dancer para iyo an maging siyang kahoron-horon mantang nakatukaw sa gilid kan madiklom na kanto kan club.

Pagdulok sa saiyang lamesa, nag-upak nin tulong beses si Kap. Nagsabing senyal na sarong bucket pa. Dangan nag-order kan pinaka masiram na sumsuman na pigluluto kan club.

Dae pa aram digdi ni Kap na bakong babae an ka-table niya.

Palibasa marumarom an ilaw, asin barintaw na an mata ni Kap, daeng pag-alangan na inagda niya an dancer na mag check-in sa motel, tanganing sindang duwa mag-ogma.

Dae nag-girong an dancer na an apod sa club, Violeta.

“Excuse me sir, ma CR lang ako,” sabi niya.

Si Kapitan nagduda sa boses kan dancer na mati-nis, kaya nagsunod siya sa CR.

Nag-sirip sa sadit na loho kan lanob kan CR. Naheling ni Kap na tindog si pag-ihi kan pighohona niyang reyna.

Pagbwelta sa tukawan kan duwa, nag-alboroto si Kap asin gustong magbalinghaw.

Sabi kan dancer, I’m sorry po, hindi ako pwede.

Dagit kuta si Kap, kundi, naghuyom na sana.

Kun nadagos sinda, inda kun may mangyari pang iba.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...