Sunday, December 18, 2016

Pinaka halabang bangui: Disyembre 22, sabi kan PAGASA

An Pilipinas makaka expericnia kan winter solstice sa Jueves (Dec 22), na kun saen halawigon na maray an bangui, sabi kan Philippine Atmospheric, Geophysical and Astronomical Services Administration (PAGASA).



An aldaw (sun) mamumugtak sa pinaka harayo sa sur na parte kan equator, pag alas 6:44 nin bangui sa Dec 22, sabi ni Ed Lagoc, na sarong observer kan Astronomical Observatora kan PAGASA kasuodma.

An winter solstice iyo an panahon na an aldaw namumugtak sa pinakaharayong punto sa sur na parte kan equator.

An bangui mas halawig ki kan sa aldaw. An Planetang Earth ngonian naka-completo na naman nin sarong annual circuit paglibot sa aldaw, sabi kan PAGASA sa saindang Facebook post.

Sinabi ni Dario de la Cruz, na iyo an astronomy chief kan PAGASA, na an bangui mas halawigon sa lugar na harayo sa equator.

Kun mga yaon sa Pilipinas, mangangahulugan na mas halawig na maray an bangui sa mga nag-eestar sa northern Luzon asin pinaka halipot an bangui sa mga nag eerok sa Mindanao, sabi ni de la Cruz.

Kabaliktaran kan winter solstice

An kabaliktaran kan winter solstice iyo an summer solstice, nangyayari  kun bulan na Junio.

Sa panahon na ini pinaka halipot man an aldaw, kun i-cocomparar sa bangui.

Mientrastanto, sabi kan PAGASA sa fecha 22 ngonian na bulan, Jueves --- an bangui magiging 13ng oras may limang minutos na mas halawig sa Basco, Batanes asin 12 oras may 46 minutos na mas halawig sa Metro Manila.
Arog man kaini an mangyayari sa Bicol.

Sa Cebu City an bangui magiging 12 oras may 28 minutos, asin 12 oras may 14 minutos sa General Santos City.

An solstice kun Deciembre iyo an senyal kan pagpoon kan winter sa northern hemisphere asin pagpoon kan summer sa southern hemisphere.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...