Monday, December 12, 2016

NASYON | Peace talks entre kan gobierno asin CPP-NPA, pwedeng madescaril: Pres Duterte

Ipinahayag kasoodma ni Presidente Rodrigo Duterte na dae niya hinahale an posibilidad na madescaril talaga an negosasyon kan gobierno asin kan mga rebeldeng communista kasunod kan dae pagkakairentindihan sa issue asin kahagadan kan mga rebelde na palibrehon na an mga inaapod na political prisoners.



Inako ni Duterte na dakula na an saiyang itinaong suporta sa mga comunista –arog kan pagpalibre kan dagmang na mga lideres kan CPP-NPA na nag-aatubang nin mga caso criminal.

Dae pa lang nahahaloy, sinabi kan presidente na gusto niyang ponan na an orolay. Alagad an gusto kan mga rebelde palibrehon pa an 130 political prisoners na nalalangob pa ngonian sa man laen-laen na carcel.

Sa discurso ni Pres Duterte sa atubangan kan mga soldados sa Camp Aquino sa Tarlac, sinabi niya na dae siya matugot sa kahagadan na ini ta dakul na ngani tulos an itinaong tabang, alagad mayo pang malinaw na senyales na mangyayari an pigmamawot na magdadanay na katrangkilohan sa nasyon.

Mientrastanto, an Communist Party of the Philippines nagsabi na hinohorot ninda sa gobierno na palibrehon na tulos an 400 na iba pang mga political prisoners --- ta kun dae, mapuputol na an enot nang ipigdeclarar na unilateral ceasefire.

Kun siring an mangyari, mabwelta na naman an ambos lados sa mainit na bakbakan.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...