For immediate hiring

For immediate hiring

Saturday, December 10, 2016

Online betting sa burolang, iimbestigaran kan Congreso

MANILA 12/10/16 (Bicol Standard) -- Pighahace ngonian kan Camarabaja an mahiwas na imbestigasyon mapadapit sa dae awtorisadong online cockfight betting, na mas popular sa apod na global na burulang.


An imbestigasyon nagbungkaras huli sa reklamo kan mga official kan Philippine Racing Commission (PRC) na nagsabi na an online cockfighting iyo an casusa kan pagsukamang kan engreso kan nasambit na ahensya kan gobierno.

Ini an pahayag ni PRC Chairman Andrew Sanchez sa atubangan kan mga miembros kan House Committee on Games and Amusement.

Sabi niya, mantang an pagtaya sa bulang legal, alagad duda siya kun legal an pag gamit kan off-track betting sites, arog kan inaapod na e-Sabong.

***

Sa ibong na lado, an Games and Amusement Board (GAB) nagpahayag sa kapareyong tiripon na nagtao sinda nin bendisyon sa Manila Cockers Club, na subsidiary kan Manila Jockey Club, na ipaheling por medio nin livestream an burolang sa mga “awtorisadong” bulangan sa Binangonan, Rizal.

Si dating Palawan Governor Abraham Khalil Mitra, na iyo an bagong chairman kan Games and Amusement Board nagpahayag man na igwang ginigibong legal na pag-adal para madeterminaran kun arin na ahencia kan gobierno an may awtoridad sa OTB sites.

Alagad, an mga oficiales kan GAB naghugas kan saindang kamot sa issue kun sisay an may awtoridad sa OTB sites sa pag-aire kaini, orog na sa pagkolekta nin buwis.

Malinaw sa probisyon kan Local Government Code na an mga bulangan nasa lindong kan mga LGUs, na iyo an dapat mag issue nin permits sa operasyon kaini.

Pinatanidan ni Quezon City 2nd District Rep. Winston Castelo an GAB na dae laogon an poder kan National Telecommunications Commission, na iyo an may poder na magtao tao nin permiso sa pagpaheling kan online cockfighting.

Si Negros Occidental Rep.. Juliet Marie L. Ferrer, sa ibong na lado nagsabing naalarma siya sa pahayag kan PRC, asin nag-recomendar na magkaigwa nin mas hararom na imbestigasyon dapit digdi.

An gobierno, sabi ni Cong. Ferrer nawawaran nin dakulaon na maray na buwis huli sa bakong malinaw na ley, kun sisay an may jurisdiction sa online cockfighting betting,

Ini an dapat determinaran kan Congreso, sabi pa ni Ferrer.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...