Thursday, December 8, 2016

No. 2 sa drug watchlist sa Cam Sur, nadakop sa bulangan

OCAMPO, Camarines Sur 12/08/16 (Bicol Standard) -- Sarong high value target sa laban kan gobierno contra sa illegal na droga asin consideradong Number 2 sa Drug Watchlist an dinakop kan mga awtoridad sa barangay Hanawan kasoodma.


Sabi sa report ni PCInsp. Noel Aquino, an hepe kan Ocampo PNP, dinakop ninda por medyo kan pagserve kan Alias Warrant of Arrest si Sammy Chua, 45 anyos an edad.

Si Chua pinosasan kan mga awtoridad mantang yaon sa laog kan bulangan sa Hanawan digdi.

Akusado siya sa pagbalga kan R.A. 9165 na mas bisto sa apod na Comprehensive Dangerous Drugs Act of 2002.

Mientrastanto, kan rekisahon kan mga pulis an bulsa ni Chua, nakakua pa an mga awtoridad nin tulong medium size sachet na may laog nin pigtutubodan na shabu, sabi pa sa report.

An akusado yaon pa ngonian sa hepatura kan pulis, mantang pighahalat an disposisyon kan caso.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...