Tuesday, December 6, 2016

No. 1 Most Wanted sa Matnog, nadakop na

MATNOG, Sorsogon 12/06/16 (Bicol Standard) – Yaon na sa laog na kan detention cell kan banwaan na ini si Reynaldo Generalo Sr., an sinasabing No. 1 sa listahan kan Most Wanted Persons digdi, na dinakop kan mga pulis kasubagong alas 5:00 nin aga.


Si Generalo Sr. nag-aatubang nin casong murder, na bibistahan sa sala nin Judge Adolfo Fajardo kan RTC Branch 55, sa Irosin, Sorsogon.

Katuwang sa pagdakop sa akusado iyo an mga miembros kan Matnog Municipal Police Station, Regional Maritime Unit 5, Criminal Investigation Team sa Sorsogon, asin mga tawohan kan Philippine Army.

An akusado nakatalaan na i-presentar ki Judge Fajardo tanganing basahan siya kan demanda, antes na magpadagos kan pagbista kan casong saiyang inaatubang.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...