Tuesday, December 27, 2016

NGCP: 9 pa sana kan 15ng transmission lines an nahirahay ninda

NAGA CITY 12/27/16 (Bicol Standard) — Ipinahayag ngonian na aga kan National Grid Corporation (NGCP) na 9 pa sana sa 15ng mga transmission lines na pinadapa kan bagyong si Nina an napapakaray.



Base sa saindang report kasubagong odto (11:00 a.m) pig hihingowa kan NGCP na maibalik tulos an saindang linya.

An kadaklan kan mga linya na nadanyaran kan bagyo namumugtak sa Southern Luzon.

Idinagdag sa pareyong report na may 2ng switching stations asin sub-stations an naraot kan bagyo sa Albay asin Sorsogon.

Ipinahayag kan sinambit na companiya na an mga naibalik nang supply kan linya kan kuryente iyo an nasa Gumaca-Atimonan, sa Provincia kan Quzon, Ibaan-Rosario lines sa Batangas, Calaca-Taal lines, Calaca-Balayan-Nasugbu-Calatagan, asin 69 KV line sa Batangas.

Enot nang nahirahay an linya kan NCGP iyo an 69 KV na linya sa  Naga Concepcion, digdi.

Siring man, nakabalik na an linya sa Pitogo-Mulanay 69 KV line sa Quezon.

Mientrastanto, kasubagong aga, an NGCP nagsabi na nagdugang sindang mga tawohan para sa padagos na paghiwayay kan mga raot pang mga linya.

Nag-gibo na sinda nin aerial asin ground survey para maseguro na maheling an mga napukan na mga linya.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...